ملاکنڈ(مانند نیوز)فش ہچری تھانہ ملاکنڈ میں مہاشیر بریڈنگ سیزن کا آغاز ہوگیا گذشتہ ماہ مارچ اور اپریل میں مصنوعی طریقے سے ہزاروں کی تعداد میں مہاشیر مچھلی کی افزائش نسل کی گئی۔ ان خیالات کا اظہار ڈائریکٹر فشریز ضلع مالاکنڈ محمد الیاس خان نے اخباری نمائندوں کو تفصیلات بتاتے ہوئے کہی۔ انہوں نے کہا کہ مہاشیر قومی مچھلی ہے اور حکومت نے تھانہ بائزئی مالاکنڈ میں اس کے لیے باقاعدہ مہاشیر ریسرچ سٹیشن قائم کیاہے جہاں اس مچھلی پر ریسرچ کی جاتی ہے اور ہرسال لاکھوں کی تعداد میں مہاشیر مچھلیوں کی افزائش نسل کرکے قدرتی پانی ندی دریاؤں میں چھوڑی جاتی ہے تاکہ اس کی نسل ناپید نہ ہو۔ انہوں نے کہا کہ تھانہ مالاکنڈ میں جس مقصد کے لیے یہ ریسرچ اسٹیشن قائم ہوئی ہے اس میں فشریز سٹاف کامیاب ہوچکی ہے۔