کرک (مانند نیوز) چیئرمین ڈسٹرکٹ ڈیویلپمنٹ ایڈوائزری کمیٹی کرک و ایم پی اے خورشید خٹک نے گزشتہ روز ضلع کرک کے ویلج کونسل پلوسہ سر میں طوفانی بارش سے ہونے والے جانی و مالی نقصانات پر انتہائی دکھ اور افسوس کا اظہار کرتے ہوئے متاثرہ خاندانوں کے ساتھ دلی ہمدردی کا اظہار کیا ہے اور انہیں صوبائی حکومت کی جانب سے ہر ممکن تعاون کا یقین دلایا ہے۔حالیہ شدید طوفانی بارشوں میں دیگر نقصانات کے علاوہ 2 نوجوان بھی سیلابی ریلے میں بہہ کر شہید ہوگئے۔انہوں نے شہداء کے درجات کی بلندی اور انہیں جنت الفردوس میں اعلیٰ مقام عطا کرنے کی دعا کی۔ایم پی اے خورشید خٹک نے متعلقہ اداروں کو متاثرہ علاقوں کے عوام کے ساتھ مکمل تعاون کرنے اور متاثرہ علاقوں میں امدادی سرگرمیاں تیز کرنے کی ہدایات جاری کی ہیں۔چیئر مین ڈیڈاک نے کہا کہ اس مشکل گھڑی میں پوری قوم متاثرین کے ساتھ ہے اور ان کے دکھ درد برابر شریک ہے۔