ملاکنڈ (مانند نیوز)محکمہ فشریز مالاکنڈ نے چکدرہ پل کے قریب دریائے سوات میں ہزاروں کی تعداد میں قومی مچھلی مہاشیر کے مزید بچے چھوڑدی گئی شکاری حضرات ان دنوں میں مچھلیاں پکڑنے سے گریزکریں۔ اس موقع پر ڈائریکٹر فشریز مالاکنڈ محمد الیاس خان، ڈپٹی ڈائریکٹر ابراراحمد،اسسٹنٹ ڈائریکٹر عبدالاول،ڈپٹی ڈائریکٹر فشریز سوات سجاد خان،اکاونٹ افیسر نثار خان اور ڈائریکٹر جنرل اف فشریز کے نمائندوں کے ساتھ معززین علاقہ بھی موجودتھے۔ ڈائریکٹر فشریز محمد الیاس نے میڈیا کے نمائندوں کو بتایا کہ مہاشیر ایک قومی مچھلی ہے اور اس کی افزائش نسل میں فشریز ملاکنڈ اپنا بھر پورکرداراداکرتی ہے اور اس مقصدکے تحت فش ہچری تھانہ ضلع مالاکنڈ میں اس کی افزائش نسل پوری جاں فشانی کے ساتھ کررہی ہے انہوں نے شکاری حضرات کو متنبہ کیا کہ وہ ان دنوں میں مچھلیوں کی شکارسے گریز کریں خصوصا غیرقانونی اور خطرناک اشیاء کے ذریعے اس سے اجتناب کریں بصورت دیگر ایسے افراد کے خلاف سخت کارروائی کی جائے گی۔