ڈسٹرکٹ یوتھ آفس اورشہید بینظیربھٹو یونیورسٹی شرینگل کے تعاون سے یوتھ بزنس ایکسپو 2025کا انعقاد

شرینگل(نمائندہ مانند)ضلعی  یوتھ آفس  اپر دیر نے ڈپارٹمنٹ آف مینجمنٹ سائنسز، اسکل سوسائٹی ایس بی بی یو شیرنگل،ڈائریکٹوریٹ آف یوتھ افیئرز کے پی،اور ڈسٹرکٹ ایڈمنسٹریشن دیر اپر کے اشتراک سے یوتھ بزنس ایکسپو 2025 کا کامیابی سے انعقاد کیا۔یہ تقریب ایس بی بی یو شیرنگل  گراؤنڈ اور لائبریری ہال میں منعقد ہوئی۔ایکسپو کا افتتاح مہمانوں  سابق ایم پی اے  باچا صالح، اسسٹنٹ کمشنر شیرینگل فیاض خان، چیئرمین شیرینگل  شاہ ولی خان، ڈاکٹر فضل حلیم، ڈاکٹر واجد رضا، پروفیسر کریم جان، اور دیگر فیکلٹی ممبران شامل تھے۔ 50 سے زائد سٹال لگائے گئے تھے، جن میں دیر اپر کی مقامی مصنوعات، جیسے روایتی دستکاری، نامیاتی کھانے کی اشیاء، اور ثقافتی نمونے کی نمائش کی گئی تھی۔ سٹالز میں جدید کاروباری آئیڈیاز، گیمنگ زون اور مختلف مقابلے بھی تھے۔ کالج کے طلباء نے ایک سائنس مقابلے میں حصہ لیا، جس میں متاثر کن ماڈلز کی نمائش کی گئی جس نے شرکاء سے خاصی داد حاصل کی۔ ایکسپو میں 200 سے زائد طلباء اور مقامی کاروباری افراد نے شرکت کی اور اپنی مصنوعات اور خدمات پیش کیں۔تقریب کے دوران، یوتھ آفیسر شہزاد طارق نے شرکاء کو نمائش کا ایک جائزہ فراہم کیا، جس میں خطے کے منفرد ثقافتی ورثے اور کاروباری جذبے کو اجاگر کیا گیا۔ اس ایکسپو کا مقصد دیر اپر کی مقامی صنعتوں کو فروغ دینا تھا، جیسے کہ اس کی مشہور اخروٹ اور پائن نٹ کی مصنوعات کے ساتھ ساتھ اس کی خوبصورت دستکاری کو۔اختتامی تقریب میں ایڈیشنل ڈپٹی کمشنر ریلیف دیر اپر جناب شیر علی خان کے علاوہ تحصیل چیئرمین شیرینگل شاہ ولی خان، چیئرمین سنگین خان، ابرار وردگ، بلال تاجک، ڈاکٹر واجد رضا، ڈاکٹر فضل حلیم، پروفیسر کریم جان، اور دیگر فیکلٹی ممبران نے شرکت کی۔ تقریب کا آغاز تلاوت کلام پاک سے ہوا، جس کے بعد پاکستان کا قومی ترانہ بجایا گیا۔