پشاور (مانند نیوز) پاکستان مسلم لیگ خیبر پختونخوا کے صدر انتخاب خان چمکنی نے اپنی رہائش گاہ پر ہاکی کے انٹرنیشنل کھلاڑی افراز خان چمکنی اور ان کی ہاکی ٹیم کے اعزاز میں ایک خصوصی پروگرام کا انعقاد کیا۔ اس موقع پر افراز خان کی قومی و بین الاقوامی سطح پر شاندار کارکردگی کو سراہتے ہوئے ان کی خدمات کو خراجِ تحسین پیش کیا گیا۔ انتخاب خان چمکنی نے کہا کہ افراز خان جیسے باصلاحیت نوجوان ہمارے لیے باعثِ فخر ہیں، میں ہر فورم پر ان جیسے کھلاڑیوں کی بھرپور حوصلہ افزائی اور معاونت جاری رکھوں گا، تاکہ ہمارے علاقے کے نوجوان اسی جذبے کے ساتھ ملک و قوم کا نام روشن کریں۔ پروگرام میں شریک مہمانوں نے بھی افراز خان اور ان کی ٹیم کے لیے نیک خواہشات کا اظہار کیا اور مستقبل میں کامیابیوں کے لیے دعا کی۔