ملاکنڈ (مانند نیوز)ضلع ملاکنڈ میں ناغے کے دن گوشت فروخت کرنے والے قصائیوں کی دوکانوں کو سیل کردیا گیا۔ ڈپٹی کمشنر / کمانڈنٹ ملاکنڈ لیویز محمد فیاض خان شیر پاؤ کی ہدایت پر ایڈیشنل اسسٹنٹ کمشنر بٹ خیلہ، نور شیر مہمند نے کاروائی کرتے ہوئے ناغے کے دن گوشت فروخت کرنے والے قصائیوں کی دوکانوں کو سیل کردیا۔ انہوں نے اس موقع پر کہا کہ سرکاری ایس او پیز کیخلاف ورزی کرنیوالوں کیخلاف کارروائی جاری رہیگی۔ اس کے علاوہ انہوں نے اماندرہ میں سڑک کے اطراف شولڈرز کی تعمیر کا معائنہ کیا اور بعد ازاں اوپن ڈور پالیسی کے تحت اپنے دفتر میں عوام الناس سے ملاقات کی اور ان کے مسائل سنے، جن میں سے اکثر کو موقع پر ہی حل کیا گیا۔