اپر دیر (مانند نیوز)ڈسٹرکٹ ایڈمنسٹریشن اپر دیر کی ہدایات پر ایڈیشنل اسسٹنٹ کمشنر واڑی نے غیرقانونی تعمیرات کے خلاف کارروائی کی۔ اسسٹنٹ کمشنر واڑی انعام اللہ خان مروت کی زیر نگرانی سرکاری اراضی پر قائم غیرقانونی تعمیرات کو مسمار کر دیا گیا۔کارروائی کے دوران غیرقانونی طور پر تعمیر کردہ کمرہ اور دیگر تعمیرات گرادی گئیں، جبکہ قبضہ مافیا کے خلاف بھی سخت اقدامات کیے گئے۔ انتظامیہ کے مطابق کسی کو بھی سرکاری اراضی پر قبضے یا بغیر اجازت تعمیرات کی اجازت نہیں دی جائے گی۔ایڈیشنل اسسٹنٹ کمشنر واڑی نے واضح کیا کہ غیرقانونی تعمیرات کے خلاف آپریشن آئندہ بھی جاری رہے گا اور قانون کی خلاف ورزی کرنے والوں کے خلاف بلاامتیاز کارروائی عمل میں لائی جائے گی۔