اسلام آباد (مانند نیوز)انگلینڈ میں مشرقی سسیکس میں واقع ساحلی تفریحی علاقے برائٹن کے مشہور محل پیئر کو کئی مہینوں کی قیاس آرائیوں کے بعد بالآخر فروخت کیلئے پیش کرنے کی تیاریاں شروع کر دی گئیں۔
سمندر کنارے اس پرکشش مقام پر داخلہ فیس متعارف کرانے کے بعد وزیٹرز کی تعداد میں کمی دیکھی گئی ہے۔
محل گزشتہ دہائی سے پیزا ایکسپریس کے کاروباری لیوک جانسن کے برائٹن پیئر گروپ کی ملکیت ہے جب اس نے جیٹی کو 18ملین پاؤنڈ میں خریدا تھا۔
وزٹ انگلینڈ کے اعداد و شمار کے مطابق سالانہ یہ مقام تقریباً 40 لاکھ سے زائد افراد کا خیر مقدم کرتا ہے۔
قومی انشورنس بجٹ ریلیف میں کمی جیسے مسائل کے باعث مسٹر جانسن کی فرم مشکلات کا شکار ہوئی۔ 2024 میں 13.7 سے 17.3ملین کے درمیان قیمت رکھی گئی۔
منیجرز نے پرکشش مقام پر ایک ملین سے زائد سالانہ اخراجات پورا کرنے کیلئے داخلہ فیس رکھی۔ جس میں بالغ اور بچوں کیلئے الگ الگ فیس جبکہ پورے خاندان کیلئے بھی پیکیج متعارف کرایا گیا ہے۔
اس پرکشش اثاثے کو اب فروخت کے لیے پیش کیے جانے کی بازگشت سنائی دے رہی ہے۔