اسلام آباد (مانند نیوز)فرانس نے آبنائے ہرمز کھلوانے یا جنگ میں مدد کے لیے بحری بیڑہ بھیجنے کی تردید کر دی۔
اس حوالے سے فرانس کا کہنا ہے کہ ہمارا بحری بیڑہ مشرقی بحیرہ روم میں رہے گا۔
دوسری جانب سوئٹزرلینڈ نے ایران جنگ کے تناظر میں امریکی فوجی پروازوں پر پابندی کا اعلان کر دیا ہے۔
آبنائے ہُرمُز کو کھلا رکھنے کیلئے امریکا کے ساتھ کئی ممالک جنگی جہاز بھیجیں گے، ڈونلڈ ٹرمپ
اس حوالے سے حکام کا کہنا ہے کہ ایران جنگ سے براہِ راست منسلک امریکی فوجی پروازوں کو ملک کی فضائی حدود استعمال کرنے کی اجازت نہیں دی جائے گی۔
امریکی صدر ٹرمپ نے آبنائے ہرمز کھولنے کے لیے چین سمیت دنیا بھر سے مدد مانگ لی ہے۔
ڈونلڈ ٹرمپ نے دعویٰ کیا کہ آبنائے ہُرمُز کی بندش سے متاثر کئی ملک اسے کھلا رکھنے کے لیے امریکا کے ساتھ مل کر اپنے جنگی بحری جہاز بھیج رہے ہیں۔
انہوں نے اُمید ظاہر کی کہ چین کے ساتھ ساتھ فرانس، جاپان، جنوبی کوریا، برطانیہ اور دیگر ملک بھی اپنے جنگی جہاز آبنائے ہرمز بھیجیں گے ، آبنائے ہرمز سے تیل لینے والے ممالک اس راستے کی سیکیورٹی خود یقینی بنائیں۔