اسلام آباد (مانند نیوز)سعودی عرب کی سپریم کورٹ نے اعلان کیا ہے کہ شوال کا چاند نظر نہیں آیا، مملکت میں عیدالفطر جمعہ 20 مارچ کو ہوگی۔
سعودی عرب کی سپریم کورٹ نے عوام سے آج شوال کا چاند دیکھنے کی اپیل کی تھی۔
سعودی عرب میں رویت ہلال کمیٹی اور ماہرین فلکیات نے آج شوال کا چاند دیکھنے کےلیے اجلاس بلایا۔ چاند دیکھنے کیلئے مرکزی کمیٹی کا اجلاس آج مغرب کے بعد ہوا۔
دوسری جانب ابوظبی میں حکام کا کہنا تھا کہ ماہرین فلکیات، علماء اور حکام چاند کی رویت کا جائزہ لیں گے۔
بعدازاں حکام نے اعلان کیا کہ صدارتی کونسل کے مطابق کل امارات میں رمضان المبارک کا آخری دن ہے۔
حکام کے مطابق متحدہ عرب امارات (یو اے ای) میں بھی عید الفطر 20 مارچ کو ہوگی۔