امراض قلب سے بچنے کیلئے تمباکونوشی سے پرہیز ضروری ہے، عثمان بزدار

لاہور (مانند نیوز ڈیسک) وزیر اعلیٰ پنجاب عثمان بزدار نے کہا ہے کہ امراض قلب سے بچنے کیلئے تمباکونوشی سے پرہیز ضروری ہے۔انہوں نے ورلڈ ہارٹ ڈے پر پیغام میں کہا کہ امراض قلب سے بچنے کے لیے تمباکو نوشی سے پرہیز کرنا ضروری ہے، سادہ غذا اور سادہ زندگی گزارنے سے امراض قلب سے بچا ؤممکن ہے۔انہوں نے صحت سے متعلق حکومتی کاوشوں پر بات کرتے ہوئے کہا کہ مریضوں کو صحت انصاف کارڈ کے ذریعے علاج کی سہولتیں فراہم کی جا رہی ہیں، امراض قلب کے علاج کے لیے ڈیرہ غازی خان میں کارڈیالوجی انسٹیٹیوٹ قائم کر رہے ہیں۔