نوشہرہ (مانند نیوز ڈیسک) معروف عالم دین مفتی سردار علی حقانی المعروف توجو اپنے آبائی علاقہ نوشہرہ کلاں میں سپرد خاک، مرحوم گذشتہ روز ٹریف حادثے میں جام شہادت نوش کرگئے تھے مرحوم کا نماز جنازہ اہلست و الجماعت خیبر پختونخواہ کے اہم ذمہ دار معروف شعلہ بیان نجیب اللہ فاروقی نے پڑھائی نماز جنازہ میں اساتذہ، علما کرام، ناظین، کونسلران سیاسی، مذہبی، سماجی حلقوں سمیت ہر مکاتب فکر سے تعلق رکھنے والے افراد نے شرکت کی مفتی سردار علی حقانی کی وفات پر جمعیت علما اسلام کے ضلعی جنرل سیکرٹری مفتی حاکم علی حقانی، اہلسنت و الجماعت کے ضلعی صدر قاری مولانا سید عابد شاہ، ایم پی اے اختیار ولی خان، مرکزی انجمن تاجران نوشہرہ کے سابق ڈپٹی جنرل سیکرٹری محمد ندیم، جماعت اسلامی پی کے 63کے امیر افتخار احمد خان، سابق صوبائی وزیر لیاقت شباب سمیت دیگر نے مرحوم کی وفات پر رنج و غم کا اظہار کیا ہے اور کہا ہے کہ مرحوم مفتی سردار علی حقانی کی دینی، علمی خدمات کسی سے پوشیدہ نہیں مرحوم کی دینی، علمی اور شعو ر بیداری کے حوالے سے کی گئی مذہبی خدمت ہمیشہ یاد رکھا جائے گا، اللہ تعالیٰ مرحوم کو جوار رحمت میں جگہ عطا فرمائیں جبکہ پسماندگان کو صبر جمیل عطا کریں۔