پشاور(مانند نیوز) سٹی ٹریفک پولیس پشاور نے ڈی ایل وین کے ذریعے 80 صحافیوں کو ڈرائیونگ لائسنس جاری کردیئے۔ چیف ٹریفک آفیسر ڈاکٹر زاہد اللہ کی ہدایت پر ڈی ایل وین کے ذریعے پشاور پریس کلب میں صحافیوں سے ٹرائی لی گئی۔ ٹرائی کا عمل کامیابی سے مکمل کرنے والے 80 صحافیوں کو ڈرائیونگ لائسنس جاری کردیئے گئے۔ چیف ٹریفک آفیسر ڈاکٹر زاہد اللہ نے کہا ہے کہ سٹی ٹریفک پولیس پشاور اور صحافیوں کا چولی دامن کا ساتھ ہے۔ انہوں نے کہا کہ صحافی اپنے قلم کے ذریعے معاشرے کی اصلاح کر رہے ہیں جس کو سراہتے ہیں۔ انہوں نے کہا کہ صحافی اپنے قلم کے ذریعے مسائل کی نشاندہی کرتے ہیں جسے سرکاری محکمے دور کرنے کی بھر پور کوشش کرتے ہیں۔