پشاور(مانند نیوز) سائبان ڈیویلپمنٹ آرگنائزیشن مردان کے زیر اہتمام بہتر طرز حکمرانی کے حوالے سے سٹیک ہو لڈرز اجلاس کا انعقاد کیا گیا،اجلاس کا انعقاد غیر سرکاری تنظیم سی پی ڈی آئی اور انڈیویجول لینڈ کے تعاون سے کیا گیا تھا جس میں سائبان ڈیویلپمنٹ آرگنائزیشن مردان کے صدر محمد عارف،حسن حساس،عامر فدا ایڈوکیٹ،سجاد سلیم،خواتین کونسلرز،سول سوسائٹی،سیاسی جماعتوں کے اراکین اور بلدیاتی نمائندوں نے شرکت کی،اجلاس سے خطاب کرتے ہو ئے سائبان ڈیویلپمنٹ آرگنائزیشن کے صدر محمد عارف نے کہاکہ پراجیکٹ کا مقصد ضلع بھر میں بہتر طرز حکمرانی کو یقینی بنانا ہے جس کیلئے ضلع بھر میں مختلف سر گرمیوں کا انعقاد کیا جائے گا،انہوں نے کہا کہ اس سلسلے میں ضلعی انتظامیہ،لوکل گورنمنٹ اور تحصیل میونسپل ایڈمنسٹریشن کے علاوہ منتخب بلدیاتی نمائندوں کے ساتھ مل کر شہریوں کیلئے خدمات کی فراہمی میں مدد تعاون فراہم کیا جا ئے گا۔