لوئر چترال (مانند نیوز)صوبائی حکومت کے احکامات اور ڈپٹی کمشنر لوئر چترال کی ہدایات پر ایڈیشنل ڈپٹی کمشنر انور اکبر خان نے مانیٹرنگ ڈیسک کا دورہ کیا۔ اس موقع پر ایڈیشنل اے سی ریونیو شہروز مفتی بھی موجود تھے۔ اے ڈی سی نے عوامی شکایات کے حل کے لیے بازار میں مختلف کاروباری مراکز کا دورہ کیا اور گرانفروشی میں ملوث دکانداروں کے خلاف کاروائی کی، دکانداروں کو وارننگ دی کہ مقررہ نرخ نامہ واضح طور پر آویزاں رکھیں اور درست کوالٹی کی اشیاء ہی فروخت کریں۔ انہوں نے عوام سے گزارش کی کہ خریداری کے وقت درست وزن سے اشیائے خوردنوش خریدیں اور زائد رقم مانگنے یا کم وزن دینے والے دکان داروں کے خلاف رپورٹ درج کروائیں۔
