دیر لوئر (مانند نیوز)ڈپٹی کمشنر دیر لوئر واصل خان نے بلامبٹ میں موسم بہار شجرکاری مہم کے تحت پودہ لگایا۔ اس موقع پر خطاب کرتے ہوئے ڈپٹی کمشنر نے کہا کہ عوام الناس ماحولیاتی تبدیلیوں اور گلوبل وارمنگ کو کم کرنے کے لئے زیادہ سے زیادہ پودے لگائے۔ پاکستان ان چند ممالک میں سے ایک ہے جو گلوبل وارمنگ سے متاثر ہواہے۔ ڈویژنل فارسٹ آفیسر شاہد نور خٹک کے زیرنگرانی موسم بہار شجرکاری مہم 2024 کے دوران دیر پائین کے مختلف علاقوں میں تقریبا 75000 پودے لگائے جائیں گے۔تمام محکمہ جات کو ہدایت دی گئی ہیں کہ پہاڑی علاقوں کے ساتھ ساتھ، سرکاری دفاتر، سکولوں، کالجوں، سپورٹس گروانڈز کے خالی جگہوں، گرین بیلٹ سیٹنگ ایریاز، سڑکوں کے کناروں میں صدا بہار پودے لگاے جائیں۔