ملاکنڈ (مانند نیوز)صوبائی وزیر مواصلات و تعمیرات شکیل احمد خان کی والدہ کے وفات پر تعزیت کا سلسلہ دوسرے روز بھی جاری ہے۔تعزیت کے لیے صوبائی وزیر ایریگیشن عاقب اللہ خان،وزیر زراعت سجاد بارکوال،اراکین قومی و صوبائی اسمبلی،کمشنر ملاکنڈ ڈویژن ثاقب رضا اسلم اور علاقے کے سیاسی و سماجی شخصیات نے ان کی رہائش گاہ واقع ڈھیری جولگرام ملاکنڈ پر گئے اور ان کی والدہ صاحبہ کی وفات پر ان سے تعزیت کی، مرحومہ کی ایثال ثواب کے لیے فاتحۃ خوانی کی اور غمزدہ خاندان کے ساتھ ہمدردی کا اظہار کرتے ہوئے اللہ تعالیٰ سے دعا کی کہ مرحومہ کی روح کو جنت الفردوس میں جگہہ دیں اور یہ ناقابل برداشت صدمہ صبر اور استقامت کے ساتھ برداشت کرنے کی توفیق عطا فرمائیں۔