ایبٹ آباد(مانند نیوز)ٹی کمشنر ایبٹ آباد کیپٹن (ر) ثناء اللہ خان نے تحصیل حویلیاں کے محکمہ مال و بندوبست کے اسٹاف سے ملاقات کی، جس میں ریونیو سے متعلقہ مسائل پر تفصیلی گفتگو کی گئی۔اس موقع پر حنیف گل خان صدر انجمن پٹواریاں، زیشان جدون جنرل سیکرٹری انجمن پٹواریاں، اور شاہد کان جنرل سیکرٹری انجمن پٹواریاں ہزارہ ڈویژن نے دیگر اسٹاف کے ہمراہ ڈپٹی کمشنر کو درپیش مسائل سے آگاہ کیا۔ڈپٹی کمشنر ایبٹ آباد نے مسائل کی نشاندہی پر فوری کارروائی کے لیے ایڈیشنل ڈپٹی کمشنر ایبٹ آباد کو ضروری ہدایات جاری کیں تاکہ شہریوں کو درپیش مشکلات کا جلد از جلد حل یقینی بنایا جا سکے۔ڈپٹی کمشنر ایبٹ آباد نے اس بات کا اعادہ کیا کہ عوامی خدمات کے شعبے میں بہتری اور ریونیو سے جڑے مسائل کے خاتمے کے لیے تمام دستیاب وسائل بروئے کار لائے جائیں گے۔