اپر چترال (مانند نیوز)ضلع لوئر چترال میں میں انسداد پولیو کا آغاز ہوگیا۔ ضلعی انتظامیہ کے آفسران اور محکمہ صحت کے مانیٹرنگ ٹیموں نے مہم کا جائزہ لیا۔ ڈپٹی کمشنر لوئر چترال کے احکامات کی روشنی میں ایڈیشنل اسسٹنٹ کمشنر عیسی محمد خان نے چترال ٹاون میں بلچ، سنگور اور دیگر مقامات پر پولیو ٹیمز کے کارکردگی کا جائزہ لیا۔ ایڈیشنل اسسٹنٹ کمشنر ریونیو محمد ضیاء نے چیوڈوک، جغور دنین اور دیگر مقامات میں پولیو ٹیموں کا معائنہ کیا۔ ایڈیشنل اسسٹنٹ کمشنر دروش خلیل اللہ نے دروش میں پولیو ٹیموں کا معائنہ کیا اور تحصیلداران نے ضلع کے دیگر علاقوں میں مختلف پولیو ٹیموں کا معائنہ کیا۔ آفسران نے پولیو ٹیم کی ٹیلی شیٹ، سیکورٹی اور کارکردگی کا جائزہ لیا۔ اور پولیو ٹیمز کو تاکید کی کہ انسداد پولیو مہم کو کامیاب بنانے کے لیے سنجیدگی اور ذمہ داری کے ساتھ کام کریں۔