اسلام آباد (مانند نیوز)نائب وزیراعظم اسحاق ڈار سے ایران کے سفیر رضا امیری مقدم اور روس کے سفیر البرٹ پی خوریف نے الگ الگ ملاقات کی۔
روسی اور ایرانی سفیر نے اسلام آباد میں دہشت گرد حملے میں قیمتی جانوں کے ضیاع پر تعزیت کی۔
ترجمان دفتر خارجہ کے مطابق اسحاق ڈار نے ہر قسم کی دہشت گردی کے خلاف پاکستان کے پختہ عزم کا اعادہ کیا۔
علاوہ ازیں آذربائیجان کے وزیر خارجہ نے اسحاق ڈار کو ٹیلی فون کرکے آذربائیجان کے صدر، حکومت اور عوام کی جانب سے دھماکے پر تعزیت کا اظہار کیا۔