اسلام آباد (مانند نیوز ڈیسک) کورونا وائرس کی تیسری لہر کی تیزی میں کمی آتے ہی پاک بھارت سرحد ایک روز کے لیے کھولنے کا فیصلہ کر لیا گیا۔ 28 جون کو 461 افراد بھارت جائیں گے، بھارت جانے والوں میں 405 بھارتی شہری شامل ہیں۔بھارتی ویزے کے حامل 56 افراد بھی بھارت روانہ ہوں گے۔مذکورہ 405 بھارتی شہری پاک بھارت سرحد بند ہونے کے باعث پاکستان میں پھنس گئے تھے۔پاکستان نے کورونا وائرس کی وبا کی شدت کے باعث گذشتہ سال پاک بھارت سرحد کو بند کر دیا تھا۔
